සිරිලක මිණිකැට – අද අචල සොලමන්ස් සමග
Rupane Episode 283 – February 19 2022
Rupane – Online Video Magazine for Sri Lankan Community in Canada
අප මාතෘභූමිය තුල බිහිවූ සුවිශේෂි මිණිකැට රැසකි ඒ මිණිකැට අතරින් සුවිශේෂී පුද්ගල සම්පත් පිළිබදව නොදත් තතු දැනගැනීමට “සිරිලක මිණිකැට” තුලින් අවකාශය ගොඩනැගෙනු ඇත.
ගීත රචකයෙකු, සංගීත නිර්මාණශිල්පියෙකු, ගායකයෙකු, රූපවාහිනී වැඩසටහන් ශිල්පියෙකු මෙන්ම නූතන පරපුරේ සිට පැරණි කලා හදවත් දක්වාම නව කලාරසයක් ගෙනයෑමට උත්සහ දරණ කලාකරුවෙකි. මෑතකාලයේ බොහෝ කලාකාමී හදවත්වලට සමීප වූයේ කූබියෝ ටෙලිනාට්යයේ ගීත ඔස්සේයි. ඔහු නමින් අචල සොලමන්ස්.
නිසඟ කැමැත්ත හා හැකියාව කුඩාකල සිටම හදුනාගෙන කලාවට යොමු වූ අචල මහතා ඔහුගේ පවුල් පරිසරයෙන් ලැබූ ආභාෂය හා අධ්යාපනයෙන් ලැබූ දැනුමෙන් වෘත්තීමය කලාකරුවෙකු ලෙස ක්ෂේත්රයට පිවිසීය. කුඩාකල ග්රාමීය පරිසරයක එනම් අනුරාධපුර ප්රදේශයේ හැදී වැඩීම හා එමගින් රසවිදීමට අවකාශය උදා වූ රජරට සේවය වැනි ගුවන් විදුලි නාලිකාවන්හි රසාලිප්ත කලා නිර්මාණ කලාකරුවෙකු වීමට දැඩි කැමැත්තක් ඇතිකරවීය. කරුණාර් දිවුල්ගනේ, ගුණදාස කපුගේ, රත්න ශ්රි විජේසිංහ ආදී මහත්මයන්ගේ නිර්මාණ රසඥතාව ඇතිකරලීමටත් පරිකල්පණය වර්ධනය කිරීමටත් බොහෝ සෙයින් උපකාරී විය.
සද මිතුරිය නිර්මාණය රසික හදවත් බොහෝමයකගේ ආදරයට, කතාබහට ලක්වූ අපූරු වූ ගීතයක්. මෙම ගීතය නිර්මාණය කිරීමට මූලිකවම පාදක වී ඇත්තේ දමිළ ගීතයක්ය. දමිළ ගීතයක් ලෙස මූලිකව නිර්මාණය වූ නැසීගිය දක්ශිණ භාරතයේ සුවිශේෂි ගායකයෙකු වූ බාලසුබ්රහමණියම් මහතා විසින් ගායනය කිරීමට යෙදුණු ගීතයට සිංහල ගීතයක් කිරීමට අචල මහතාගේ මිත්රයෙකු වූ රාජ් මහතාට ඇති වූ කැමැත්ත මත සද මිතුරී ගීතය නිර්මාණය විය. මෙහි තනුව හා ස්වර පරාසයට අනුව කසුන් කල්හාර මහතාව ගායනය කිරීමට රාජ් මහතාව සම්බන්ධ කර දී දමිළ තණුවට අනුව නවමු අදහසකින්ල පදරචනයකින් මෙම ගීතය නිර්මාණය විය. සෞම්ය වූ පෙම්වතියක අවශ්යමතාව එනම් මානුෂිය වූ ගැඔුරු බැදීමක් සහිත ප්රේමාන්විත සම්බන්ධයක් පිළිබදව මෙමගින් ඉදිරිපත් කරන්නට යෙදේ. ශ්රි ලාංකීය සංගීත ක්ෂේත්රය තුල ජනප්රියත්වයට අචල සොලමන්ස් නාමය පත්වන්නේ සදමිතුරියත් සමගිනි.
පැරණි නමුත් මෑතකාලීනව බොහෝ පිරිසක් අතරට ගිය ගීතයක් ලෙස කූබියෝ ටෙලි ගීතය පෙන්වා දෙන්නට පුළුවන්. “පැරණි ගීතයක් ප්රතිනිර්මාණය කිරීමේදී අභියෝගයන්ට මුහුණ දීමට සිදුවුණා, මෙම ටෙලිනාට්යයේ ගායනා වූ ගීත කිහිපයම අභියෝගාත්මක නිර්මාණයන්ය. නාට්‍ය පිටපතේම මෙහි ඇති ගීත කිහිපයක්ම ලියවී තිබීම යම්තරමක සහනයක් විය. ටෙලිනාට්යනයේ පිටපත කියවීමේදී චිත්තරූප මැවෙමින් ගොඩනැගෙන කතාවට අදාල කටුක රළුබව මෙහි ගැබ්වෙන ආකාරයේ සංගීත මුසුවක් නිර්මාණය කිරීමට ඇති උනන්දුව මත අහම්බයෙන් මෙන් මෙම ගීතය මතකයට පැමිණීමත් සමග පායනා කාලයේ ගීතය නිර්මාණය වේග රොක් සංගීත ක්ෂාණරයට අනුව නිර්මාණය වූ මෙම ගීතයට ශබ්ද සංමිශ්රණයෙන් පවා රළුබව ඇතිකිරීමට උත්සහ කරා” මම යනුවෙන් ඔහු රුපණ සමග පැවසූහ.
නිර්මාණ යනු සැදී ඇති දේ වන අතර එම නිර්මාණ සොයාගැනීම කලාකුවන් විසින් සිදුකල යුතු බව අචල මහතාගේ මතයයි. මෙය නිර්මාණකරනයේ යෙදෙන අවස්ථාවන්හි දී ඇතිවන සිතුවිල්ලක් බව මෙතුමාගේ ඉදිරිපත් කිරීමයි. මෙම සොයාගැනීම කලාකරුවා තුල පවතින අතර ඔවුගේ පවතින අත්දැකීම් හා නිර්මාන කුසලතාවයන් මත අපූර්ව නිර්මාණයන් උපතලබන බව අචල මහතාගේ මතයයි. එවන්දේ සොයා මතුකරගත් අපූරු නිර්මාණයක් ලෙස මේලා, මත් මල් සේනා, අනාවැකියක් ආදී ගීත පෙන්වා දිය හැකිය.
2016 වර්ෂයේදී ජනාධිපති සම්මානය ලබා ගැනීමට අචල මහතාට හැකියාව ලැබෙනවා. ඒ ගීත නිර්මාණයට රංග දසනායක නම් සංගීතවේදියාගෙන් ලැබූ ආරාධනය හා ගායනයෙන් බාචි සුසාන්, ලක්ෂනා ගායක ගායිකා යුවලත් නාලක විතානගේ අධ්යක්ෂනවරයාත් ස්තූතියි පූර්වකව සිහිකරන ලදී. ඒ පිළිබදව ඇත්තේ නිහතමාණි සතුටක් බවයි අචල මහතා පෙන්වා දෙනුයේ.
බෞද්ධ ධර්ශනය හා ජීවත අත්දැකීම් තුලින් මතු වූ අදහසක් ලෙස ජීවිත අවබෝධය ගවේෂණය කිරීමඅචල මහතාගේ දැක්ම අතර ප්රධාන වේ.
